Hoteleri Turizëm

Niveli II i KSHK-së

Qëllimet e arsimit profesional në drejtimin “Hoteleri-Turizëm”, niveli II i KSHK.

Qëllimi kryesor i arsimimit profesional në drejtimin “Hoteleri-Turizëm”, niveli II i KSHK, është “zhvillimi i personalitetit të nxënësve për të jetuar në përshtatje me botën që i rrethon dhe përgatitja e tyre për t’u punësuar në veprimtaritë profesionale që lidhen drejtpërdrejt me shërbimet në fushën e hotelerisë dhe turizmit”. Për të realizuar këtë, shkolla profesionale u krijon nxënësve:

mundësi të përshtatshme për të nxënë, pavarësisht nga gjinia, raca, besimi dhe aftësitë.
mundësi për të gjithë, për të zhvilluar kompetencat profesionale, të bazuara në njohuritë, shprehitë, qëndrimet dhe vlerat, të mjaftueshme për të lehtësuar punësimin dhe përparimin drejt arsimit e formimit profesional të mëtejshëm.
mbështetje për t’u njohur me rregullat e sigurimit teknik e të ruajtjes së mjedisit në përputhje me standardet ndërkombëtare dhe për t’i zbatuar ato me rreptësi.
mbështetje për t’u njohur me teknologjitë e proceset teknologjike bashkëkohore e të perspektivës, që lidhen me kualifikimin profesional përkatës.
mbështetje për të zhvilluar ndjenjën e disiplinës, kuriozitetin intelektual dhe profesional, si dhe vlerat morale.
mbështetje për t’u zhvilluar psikologjikisht dhe fizikisht, për të përballuar vështirësitë që do të ndeshin gjatë veprimtarive të ardhshme profesionale.
mbështetje për të zhvilluar frymën e tolerancës dhe të mirëbesimit nëpërmjet përvojës së punës.

Kërkesat e pranimit të nxënësve në arsimin profesional, në drejtimin “Hoteleri - Turizëm”, niveli II i KSHK.

Në shkollat që ofrojnë arsimin profesional në drejtimin mësimor “Hoteleri-Turizëm” niveli II i KSHK, kanë të drejtë të regjistrohen të gjithë të rinjtë që:

kanë mbaruar arsimin e detyruar 9-vjeçar.
janë të aftë fizikisht dhe mendërisht të përballojnë kërkesat e këtij niveli të arsimit profesional.
nëse kanë aftësi të kufizuara, shkolla krijon kushte dhe përshtat programin në përputhje me paaftësitë që shfaqin.

Në raste të veçanta kur kërkesat për të ndjekur këtë shkollim janë më të larta se kapacitetet reale të këtyre shkollave, atëherë, MFE përgatit udhëzime të veçanta me kritere të posaçme pranimi për këto shkolla.

Kompetencat e përgjithshme të nxënësit në përfundim të arsimimit në drejtimin “Hoteleri - Turizëm”, niveli II i KSHK.

Në përfundim të arsimit profesional në drejtimin “Hoteleri-Turizëm” niveli II i KSHK, nxënësi do të zotërojë këto kompetenca të përgjithshme kryesore:

të komunikojë në mënyrë korrekte me shkrim e me gojë për të shprehur mendimet e ndjenjat e tij dhe për të argumentuar opinionet për çështje të ndryshme;
të përdorë burime dhe teknika të ndryshme të mbledhjes dhe të shfrytëzimit të informacioneve të nevojshme për zhvillimin e tij personal dhe profesional;
të nxisë potencialin e tij të brendshëm në kërkim të vazhdueshëm për zgjidhje të reja më efektive dhe më efiçente;
të angazhohet fizikisht, mendërisht dhe emocionalisht në kryerjen e detyrave të ndryshme në kontekstin profesional, personal dhe shoqëror;
të respektojë rregullat dhe parimet e një bashkëjetese demokratike në kontekstin e integrimeve lokale, rajonale;
të manifestojë guxim dhe aftësi sipërmarrëse për të ardhmen e tij;
të tregojë vetëkontroll gjatë ushtrimit të veprimtarive të tij;
të organizojë drejt, procesin e të nxënit të tij dhe të shfaqë gatishmërinë dhe vullnetin për të nxënë gjatë gjithë jetës;
të respektojë parimet e punës në grup dhe të bashkëpunojë aktivisht në arritjen e objektivave të pranuara;
të vlerësojë dhe vetvlerësojë nisur nga kritere të drejta si bazë për të përmirësuar dhe çuar më tej arritjet e tij.

Kompetencat profesionale të nxënësit në përfundim të arsimimit në drejtimin “Hoteleri - Turizëm”, niveli II i KSHK

Në përfundim të arsimit profesional në drejtimin “Hoteleri – Turizëm” niveli II i KSHK, nxënësi do të jetë i aftë të ushtrojë kompetencat profesionale si më poshtë:

të përgatitë vendin e punës për gatim dhe shërbim;
të kryejë punë parapërgatitore, sipas sektorëve përkatës;
të përdorë dhe mirëmbajë mjetet, pajisjet dhe materialet e punës;
të komunikojë në mënyrë etike dhe profesionale me eprorët, kolegët dhe klientët;
të punojë në grup;
të zbatojë rregullat e higjienës personale, të mjeteve, pajisjeve dhe vendit të punës, sipas standardit HACCP dhe ISO;
të zbatojë standardet e profesionit;
të zbatojë rregullat e sigurimit teknik, mbrojtjes së mjedisit e dhënies së ndihmës së parë;
të zbatojë kërkesat e kujdesit ndaj shëndetit dhe sigurisë së klientit (mbrojtja e konsumatorit);
të zbatojë kushtet e ruajtjes së pijeve dhe ushqimeve sipas llojit;
të kryejë përpunime termike në kuzhinë;
të përgatitë sallata në kuzhinë;
të përgatitë gatime me vezë në kuzhinë;
të përgatitë salcat bazë në kuzhinë;
të përgatitë buljone dhe supra të thjeshta në kuzhinë;
të përgatitë brumëra bazë dhe asortimente me to;
të përgatitë asortimente të thjeshta me mish, mish të grirë dhe të brendshme mishi;
të përgatitë asortimente të thjeshta me peshk dhe prodhime deti në kuzhinë;
të përgatitë salca të ëmbla;
të përgatitë kremra bazë në pastiçeri;
të përgatitë asortimente me perime;
të zbatojë rregullat e estetikës në gatim dhe shërbim;
të rregullojë dhe shtrojë sallën e shërbimit;
të zbatojë rregullat e pritjes, përcjelljes dhe shoqërimit të klientit në restorant;
të parapërgatitë shërbimin e pijeve dhe ushqimit në restorant;
të kryejë shërbime në restorant dhe dhomën e klientit;
të përgatitë dhe shërbejë pije të ngrohta;
të ndajë mbeturinat sipas llojit;
të shoqërojë klientët drejt recepsionit;
të shoqërojë klientët në dhomë dhe ambiente të tjera të hotelit;
të transportojë bagazhet e klientëve në dhomë;
të informojë klientët për mjediset dhe shërbimet në hotel;
të kryejë rezervime të thjeshta sipas kërkesës së klientëve;
të kryejë regjistrimin e klientëve në hotel;
të kryejë veprime të thjeshta financiare në recepsion;
të kryejë ç’regjistrimin e klientëve në hotel;
të asistojë në shoqërimin e grupit, sipas itinerarit;
të lexojë hartat fizike, administrative, turistike dhe rrugore të zonës;
të pastrojë dhe rregullojë dhomën, tualetin dhe mjedise të tjera të hotelit;
të kryejë procedurat e punës për larjen dhe hekurosjen e biankerive;
të kryejë procedurat e punës për pastrimin e rrobave të klientit në lavanteri;
të komunikojë në gjuhën angleze me klientët gjatë shërbimeve në sektorin e hoteleri turizmit;
të kryejë veprimtari që garantojnë cilësinë e përgatitjes dhe shërbimit ndaj klientit;
të përdorë teknologjinë dixhitale në mbështetje të veprimtarisë profesionale.

4. Mundësitë e punësimit dhe të arsimimit të mëtejshëm në përfundim të arsimimit në drejtimin “Hoteleri – Turizëm”, niveli II i KSHK.

Përfundimi me sukses i kualifikimit profesional ”Hoteleri-Turizëm”, niveli II i KSHK, e pajis nxënësin me certifikatën e punonjësit gjysmë të kualifikuar (ndihmës) në këtë drejtim. Ky kualifikim i jep nxënësit mundësi t’i drejtohet tregut të punës si ndihmës nё sektorin e hoteleri turizmit (bare, restorante, mensa, vetëshërbime agjenci kateringu, hotele, agjenci turistike, zyra informacioni, spitale, (HORECA) etj).

Pas përfundimit të nivelit të II të KSHK, nxënësi mund të vazhdojë studimet në nivelin e III të KSHK në një prej profileve të drejtimit “Hoteleri-Turizëm”.

Me vijimin e mëtejshëm të arsimit profesional edhe në nivelin IV të KSHK, nxënësi fiton ”Maturën shtetore profesionale” me mundësi për vazhdimin e studimeve universitare ose pas të mesmes.

Profilet mësimore

Kuzhinë pastiçeri

Guidë turistike

Kuzhinë pastiçeri

Guidë turistike

Niveli IV i KSHK-së

Qëllimet e arsimit profesional në drejtimin “Hoteleri-turizëm”, niveli IV i KSHK.

Qëllimi kryesor i arsimit profesional në drejtimin “Hoteleri-turizëm”, niveli IV i KSHK, është “zhvillimi i personalitetit të nxënësve për të jetuar në përshtatje me botën që i rrethon dhe përgatitja e tyre për t’u punësuar në veprimtaritë profesionale që lidhen drejtpërdrejt me shërbimet në industrinë e hotelerisë dhe turizmit, si dhe për të vijuar arsimin dhe formimin në nivele më të larta”. Për të realizuar këtë, shkolla profesionale u krijon nxënësve:

mundësi të përshtatshme për të nxënë, pavarësisht nga gjinia, raca, besimi dhe aftësitë;
mundësi për të gjithë, për të zhvilluar kompetencat profesionale, të bazuara në njohuritë, shprehitë, qëndrimet dhe vlerat, të mjaftueshme për të lehtësuar punësimin dhe përparimin drejt formimit profesional dhe arsimit të mëtejshëm;
mbështetje për t’u njohur me parimet e zhvillimit të qëndrueshëm, me rregullat e sigurimit teknik e të ruajtjes së mjedisit në përputhje me standardet ndërkombëtare dhe për t’i zbatuar ato me rreptësi;
mbështetje për t’u njohur me teknologjitë e proceset teknologjike bashkëkohore e të perspektivës, që lidhen me kualifikimin profesional përkatës;
mbështetje për të zhvilluar ndjenjën e disiplinës, kuriozitetin intelektual dhe profesional, aftësitë sipërmarrëse dhe menaxhuese, si dhe vlerat morale;
mbështetje për t’u zhvilluar psikologjikisht dhe fizikisht, për të përballuar vështirësitë që do të ndeshin gjatë veprimtarive të ardhshme profesionale dhe akademike;
mbështetje për të zhvilluar frymën e tolerancës e të mirëbesimit përmes përvojës së punës.

Profili profesional i nxënësve në përfundim të arsimit profesional në drejtimin “Hoteleri-turizëm”, niveli IV i KSHK.

Kërkesat e pranimit të nxënësve në arsimin profesional nё drejtimin “Hoteleri- turizëm”, niveli IV i KSHK.

Në shkollat që ofrojnë arsimin profesional në drejtimin “Hoteleri-turizëm”, niveli IV i KSHK. kanë të drejtë të regjistrohen të gjithë të rinjtë që:

kanë mbaruar arsimin profesional në një nga profilet e nivelit III të drejtimin mësimor “Hoteleri-turizëm”;
janë të aftë fizikisht dhe mendërisht të përballojnë kërkesat e këtij niveli të arsimit profesional;
kanë aftësi të kufizuara, por për të cilët shkolla krijon kushte dhe përshtat programin në përputhje me paaftësitë që shfaqin;

Kompetencat e përgjithshme të nxënësve në përfundim të arsimit profesional në drejtimin “Hoteleri-turizëm”, niveli IV i KSHK.

Në përfundim të arsimit profesional në drejtimin “Hoteleri-turizëm”, niveli IV i KSHK, nxënësi do të zotërojë këto kompetenca të përgjithshme kryesore:

Të komunikojë në mënyrë korrekte me shkrim e me gojë për të shprehur mendimet e ndjenjat e tij dhe për të argumentuar opinionet për çështje të ndryshme.

Të përdorë burime dhe teknika të ndryshme të mbledhjes dhe të shfrytëzimit të informacioneve të nevojshme për zhvillimin e tij personal dhe profesional.
Të nxisë potencialin e tij të brendshëm në kërkim të vazhdueshëm për zgjidhje të reja më efektive dhe më efiçente.
Të angazhohet fizikisht, mendërisht dhe emocionalisht në kryerjen e detyrave të ndryshme në kontekstin profesional, personal dhe shoqëror.
Të respektojë rregullat dhe parimet e një bashkëjetese demokratike në kontekstin e integrimeve lokale, rajonale dhe ndërkombëtare.
Të manifestojë guxim dhe aftësi sipërmarrëse e menaxhuese për të ardhmen e
Të tregojë vetëkontroll dhe përshtatshmëri gjatë ushtrimit të veprimtarive të
Të organizojë drejt procesin e të nxënit të tij dhe të shfaqë gadishmërinë dhe vullnetin për të nxënë gjatë gjithë jetës.
Të respektojë parimet e punës në grup dhe të bashkëpunojë aktivisht në arritjen e objektivave të pranuara.
Të vlerësojë dhe vetvlerësojë nisur nga kritere të drejta si bazë për të përmirësuar dhe çuar më tej arritjet e tij.

Kompetencat profesionale të nxënësve në përfundim të arsimit profesional në drejtimin “Hoteleri-turizëm”, niveli IV i KSHK.

Në përfundim të arsimit profesional në drejtimin “Hoteleri-turizëm”, niveli IV i KSHK, nxënësi do të jetë i aftë të zhvillojё mё tej kompetencat profesionale tё fituara nё njërin nga profilet mësimore të nivelit III të KSHK, si dhe tё ushtrojë kompetenca tё tjera profesionale, si më poshtë:

Të fitojnë aftësitë themelore dhe teknikat për të udhëhequr dhe menaxhuar një biznes në kontekst të kërkesave aktuale shoqërore.
Tё hartojë një plan-biznesi për strukturat hoteliere dhe
Të analizojë rolin e elementëve të potencialeve turistike në zhvillimin e turizmit në rajon dhe në botë.
Tё analizojё pasojat dhe efektet gjeografike të turizmit në rajon dhe në botë.
Të analizojë rëndësinë e zhvillimit të turizmit të qëndrueshëm, ruajtjes së mjedisit si dhe sfidat në zbatimin e menaxhimit të qëndrueshmërisë dhe mbrojtjen e ekosistemit, duke mbajtur parasysh legjislacionin respektiv.
Të analizojë tregun turistik (tregun e produkteve, kërkesën, ofertën turistike dhe sjelljen konsumatore).
Të analizojë efektet e zhvillimit të turizmit në makroekonominë e një
Të analizojë të drejtat dhe detyrimet që duhet të zbatojnë ofruesit dhe konsumatorët në industrinë turistike, pasqyruar kjo në legjislacionin kombëtar dhe ndërkombëtar.
Të interpretojë format e garantimit të cilësisë dhe legjislacionin përkatës në turizëm, sipas standardeve të kërkuara.
Të vlerësojë rezultatet e pasqyrave financiare (bilanci, pasqyra e të ardhurave dhe shpenzimeve), si matës të suksesit të strukturës hoteliere dhe turistike.
Të vlerësojë llogaritjen e kostove, me qëllim menaxhimin efektiv të burimeve njerëzore, materiale dhe financiare në hoteleri-turizëm.
Të zbatojë bazën ligjore që i referohet veprimtarive profesionale në hoteleri-turizëm si dhe marrëdhënieve me shtetin (taksa e tatime, deklaratave tatimore etj.)
Të zbatojë standartet teknike të profesionit në hoteleri-turizëm.
Të zbatojë parimet e etikës gjatë veprimtarive profesionale në hoteleri-turizëm.
Të hartojë ofertën e ushqimit dhe pijeve, sipas llojeve të aktiviteteve dhe

Të hartojë programe dhe produkte turistike, sipas kërkesave të tregut
Të përdorë teknologjinë e informimit dhe komunikimit për qëllime të profesionit në hoteleri-turizëm (programe përkatëse kompjuterike për menaxhimin e aktivitetit në strukturat hoteliere dhe turistike).
Të përdorë dhe mirëmbajë veglat, pajisjet dhe materialet e punës gjatë aktivitetit në strukturat hoteliere dhe turistike.
Të kryejë saktë veprimet kryesore për të dhënë ndihmën e shpejtë gjatë punës në strukturat hoteliere dhe turistike.
Të zbatojë rregullat e sigurisë në punë dhe të mbrojtjes së mjedisit gjatë punës në strukturat hoteliere dhe turistike.

Mundësitë e punësimit dhe të arsimimit të mëtejshëm në përfundim të arsimit profesional në drejtimin “Hoteleri-turizëm”, niveli IV i KSHK.

Përfundimi me sukses i arsimit profesional nё drejtimin “Hoteleri-turizëm”, niveli IV i KSHK, e pajis nxënësin me Diplomën e Maturës Shtetërore Profesionale, si dhe me Certifikatën e menaxherit në fushën e hoteleri-turizmit. Ky kualifikim i jep nxënësit mundёsinë që t’i drejtohet tregut të punës për punësim nё sektorin e akomodimit, në bizneset e ushqimit dhe pijeve, në agjencitë e udhëtimit dhe ato turistike, si dhe në të gjithë sektorët dhe bizneset që ofrojnë shërbime të akomodimit, ushqimit, pijeve, argëtimit dhe eventeve.

Me përfundimin e këtij niveli, nxënësi ka mundësi për vazhdimin e arsimimit në nivelin pas të mesëm ose në nivelin e studimeve universitare.

Shiko kurrikulën shkollore këtu.