Tekstil Konfeksione

Niveli II i KSHK-së

Qëllimet e arsimit profesional në drejtimin “Tekstil - konfeksione” (2 vjeçar), niveli II i KSHK.

Qëllimi kryesor i arsimimit profesional në drejtimin “Tekstil – konfeksione”, niveli II i KSHK, është “zhvillimi i personalitetit të nxënësve për të jetuar në përshtatje me botën që i rrethon dhe përgatitja e tyre për t’u punësuar në veprimtaritë profesionale që lidhen drejtpërdrejt me prodhimin dhe konfeksionimin e veshjeve. Për të realizuar këtë, shkolla profesionale u krijon nxënësve:

mundësi të përshtatshme për të nxënë, pavarësisht nga gjinia, raca, besimi dhe aftësitë;
mundësi për të gjithë, për të zhvilluar kompetencat profesionale, të bazuara në njohuritë, shprehitë, qëndrimet dhe vlerat, të mjaftueshme për të lehtësuar punësimin dhe përparimin drejt arsimit e formimit profesional të mëtejshëm;
mbështetje për t’u njohur me rregullat e sigurimit teknik e të ruajtjes së mjedisit në përputhje me standardet ndërkombëtare dhe për t’i zbatuar ato me rreptësi;
mbështetje për t’u njohur me teknologjitë e proceset teknologjike bashkëkohore e të perspektivës, që lidhen me kualifikimin profesional përkatës;
mbështetje për të zhvilluar ndjenjën e disiplinës, kuriozitetin intelektual dhe profesional, aftësitë sipërmarrëse, si dhe vlerat morale;
mbështetje për t’u zhvilluar psikologjikisht dhe fizikisht, për të përballuar vështirësitë që do të ndeshin gjatë veprimtarive të ardhshme profesionale;
mbështetje për të zhvilluar frymën e tolerancës dhe të mirëbesimit nëpërmjet përvojës së punës.

Kërkesat e pranimit të nxënësve në arsimin profesional, në drejtimin “Tekstil - konfeksione”, niveli II i KSHK.

Në shkollat që ofrojnë arsimin profesional në drejtimin mësimor “Tekstil – konfeksione” niveli II i KSHK, kanë të drejtë të regjistrohen të gjithë të rinjtë që:

kanë mbaruar arsimin e detyruar 9 vjeçar;
janë të aftë fizikisht dhe mendërisht të përballojnë kërkesat e këtij niveli të arsimit profesional.
nëse kanë aftësi të kufizuara, shkolla krijon kushte dhe përshtat programin në përputhje me paaftësitë që shfaqin.

Në raste të veçanta kur kërkesat për të ndjekur këtë shkollim janë më të larta se kapacitet reale të këtyre shkollave, atëherë, MEKI përgatit udhëzime të veçanta me kritere të posaçme pranimi për këto shkolla.

Kompetencat e përgjithshme të nxënësit në përfundim arsimimit në drejtimin “Tekstil - konfeksione”, niveli II i KSHK.

Në përfundim të arsimit profesional në drejtimin “Tekstil – konfeksione”, niveli II i KSHK, nxënësi do të zotërojë këto kompetenca të përgjithëshme kryesore:

Të komunikojë në mënyrë korrekte me shkrim e me gojë për të shprehur mendimet e ndjenjat e tij dhe për të argumentuar opinionet për çështje të ndryshme.
Të përdorë burime dhe teknika të ndryshme të mbledhjes dhe të shfrytëzimit të informacioneve të nevojshme për zhvillimin e tij personal dhe profesional.
Të nxisë potencialin e tij të brendshëm në kërkim të vazhdueshëm për zgjidhje të reja më efektive dhe më efiçente.
Të angazhohet fizikisht, mendërisht dhe emocionalisht në kryerjen e detyrave të ndryshme në kontekstin profesional, personal dhe shoqëror.
Të respektojë rregullat dhe parimet e një bashkëjetese demokratike në kontekstin e integrimeve lokale, rajonale.
Të manifestojë guxim dhe aftësi sipërmarrëse për të ardhmen e tij.
Të tregojë vetëkontroll gjatë ushtrimit të veprimtarive të tij.
Të organizojë drejt procesin e të nxënit të tij dhe të shfaqë gadishmërinë dhe vullnetin për të nxënë gjatë gjithë jetës.
Të respektojë parimet e punës në grup dhe të bashkëpunojë aktivisht në arritjen e objektivave të pranuara.
Të vlerësojë dhe vetvlerësojë nisur nga kritere të drejta si bazë për të përmirësuar dhe çuar më tej arritjet e tij.

Kompetencat profesionale të nxënësit në përfundim të arsimimit në drejtimin “Tekstil - konfeksione”, niveli II i KSHK.

Në përfundim të arsimit profesional në drejtimin “Tekstil – konfeksoine” niveli II i KSHK, nxënësi do të jetë i aftë të ushtrojë kompetencat profesionale si më poshtë:

Të kryejë matjet trupore të klientit.
Të përdorë tabelat e përmasave për femra.
Të realizojë punimet e dorës.
Të përzgjedhë mjetet dhe materialet e punës.
Të përdorë mjetet kryesore të punës në tekstil – konfeksion.
Të realizojë tegela me forma të ndryshme në format letre.
Të skicojë modelin për funde, pantallona, bluza, këmisha, fustane.
Të ndërtojë kallëpet me shenjat përkatëse të referimit për funde, pantallona, bluza,

këmisha, fustane.

Të zgjedhë pëlhurën dhe aksesorët e përshtatshëm për modelin përkatës për funde,

pantallona, bluza, këmisha, fustane.

Të presë funde, pantallona, bluza, këmisha, fustane sipas modelit.
Të qepë funde, pantallona, bluza, këmisha, fustane sipas modelit.
Të kryejë provën e qëndrimit në trup të fundeve, pantallonave, bluzave, këmishave.
Të kryejë proceset përfundimtare të konfeksionimit të fundeve dhe pantallonave të

modeluara.

Të realizojnë figurinën e trupit sipas proporcioneve të tij.
Të kryejnë vizatimin teknik të aksesorëve, dorezave, kapeleve, bizhuterive etj.
Të kryejë korrigjimin e defekteve në veshje.
Të zgjedhë materialin e përshtatshëm dhe aksesorët për modelin përkatës të artikujve prej pëlhure dhe prej lëkure.
Të presë artikuj prej pëlhure dhe lëkure.
Të qepë artikuj prej pëlhure dhe lëkure.
Të realizojë veshje direkt në manekinë, (mulazh).
Të dekorojë funde, bluza, këmisha, fustane.
Të kryejë riparime të thjeshta me dorë, me makinë, me elementë dekorues.
Të realizojë në letër milimetrike një motiv popullor.
Të endë në telajo një model të projektuar.
Të zbatojë standardet e profesionit.
Të zbatojë rregullat e sigurimit teknik dhe të ruajtjes së mjedisit.
Të përdorë në mënyrë të pavarur literaturat profesionale.
Të komunikojë me etikë profesionale.
Të përdorë mjete digjitale në funksion të veprimtarisë profesionale.

Mundësitë e punësimit dhe të arsimimit të mëtejshëm në përfundim të arsimimit në drejtimin “Tekstil - konfeksione”, niveli II i KSHK.

Përfundimi me sukses i kualifikimit profesional ”Tekstil – konfeksione”, niveli II i KSHK, e pajis nxënësin me Certifikatën e punonjësit gjysëm të kualifikuar (ndihmës) në këtë drejtim. Ky kualifikim i jep mundësi nxënësit t’i drejtohet tregut të punës si ndihmës në ndërmarrje të ndryshme të prodhimit të veshjeve për burra, gra dhe fëmijë; të qepjes së tekstileve për përdorim shtëpiak si dhe në ndërmarrje të prodhimit dhe konfeksionimit të trikotazheve. Gjithashtu, i jep mundësi nxënësit t’i drejtohet tregut të punës edhe si ndihmës në dyqane të ndryshme artizanale dhe atelie mode.

Me përfundimin e arsimimit për “Tekstil – konfeksione”, niveli II i KSHK, nxënësi ka të drejtë të vazhdojë arsimimin në nivelin III të KSHK, në një nga profilet mësimore të këtij drejtimi. Me arsimim të mëtejshëm (në nivelin IV të KSHK) nxënësi fiton “Maturën shtetërore profesionale” me mundësi për vazhdimin e studimeve universitare dhe pas të mesmes.

Profilet mësimore

Kuzhinë pastiçeri

Niveli IV i KSHK-së

I. Qëllimet e arsimit profesional në drejtimin “Tekstil-konfeksione”, niveli IV i KSHK.

Qëllimi kryesor i arsimit profesional në drejtimin “Tekstil-konfeksione”, niveli IV i KSHK, është “zhvillimi i personalitetit të nxënësve për të jetuar në përshtatje me botën që i rrethon dhe përgatitja e tyre për t’u punësuar në veprimtaritë profesionale që lidhen drejtpërdrejt me realizimin e veshjeve apo aksesorëve prej pëlhure të endur, të thurur dhe prej lëkure, si dhe për të vijuar arsimin dhe formimin në nivele më të larta”. Për të realizuar këtë, shkolla profesionale u krijon nxënësve:

mundësi të përshtatshme për të nxënë, pavarësisht nga gjinia, raca, besimi dhe aftësitë;
mundësi për të gjithë, për të zhvilluar kompetencat profesionale, të bazuara në njohuritë, shprehitë, qëndrimet dhe vlerat, të mjaftueshme për të lehtësuar punësimin dhe përparimin drejt formimit profesional dhe arsimit të mëtejshëm;
mbështetje për t’u njohur me parimet e zhvillimit të qëndrueshëm, me rregullat e sigurimit teknik e të ruajtjes së mjedisit në përputhje me standardet ndërkombëtare dhe për t’i zbatuar ato me rreptësi;
mbështetje për t’u njohur me teknologjitë e proceset teknologjike bashkëkohore e të perspektivës, që lidhen me kualifikimin profesional përkatës;
mbështetje për të zhvilluar ndjenjën e disiplinës, kuriozitetin intelektual dhe profesional, aftësitë sipërmarrëse dhe menaxhuese, si dhe vlerat morale;
mbështetje për t’u zhvilluar psikologjikisht dhe fizikisht, për të përballuar vështirësitë që do të ndeshin gjatë veprimtarive të ardhshme profesionale dhe akademike;
mbështetje për të zhvilluar frymën e tolerancës dhe të mirëbesimit nëpërmjet përvojës së punës.

II. Profili profesional i nxënësve në përfundim të arsimit profesional në drejtimin “Tekstil-konfeksione”, niveli IV i KSHK.

Kërkesat e pranimit të nxënësve në arsimin profesional nё drejtimin “Tekstil- konfeksione”, niveli IV i KSHK.

Në shkollat që ofrojnë arsimin profesional në drejtimin “Tekstil-konfeksione”, niveli IV i KSHK. kanë të drejtë të regjistrohen të gjithë të rinjtë që:

kanë mbaruar arsimin profesional në një nga profilet e nivelit III të KSHK, të drejtimin mësimor “Tekstil-konfeksione”;
janë të aftë fizikisht dhe mendërisht të përballojnë kërkesat e këtij niveli të arsimit
kanë aftësi të kufizuara, por për të cilët shkolla krijon kushte dhe përshtat programin në përputhje me paaftësitë që shfaqin.

Në raste të veçanta kur kërkesat për të ndjekur këtë shkollim janë më të larta se kapacitetet reale të këtyre shkollave, atëherë, MFE përgatit udhëzime të veçanta me kritere të posaçme pranimi për këto shkolla.

Kompetencat e përgjithshme të nxënësve në përfundim arsimit profesional në drejtimin “Tekstil-konfeksione”, niveli IV i KSHK.

Në përfundim të arsimit profesional në drejtimin “Tekstil-konfeksione”, niveli IV i KSHK, nxënësi do të zotërojë këto kompetenca të përgjithshme kryesore:

Të komunikojë në mënyrë korrekte me shkrim e me gojë për të shprehur mendimet e ndjenjat e tij dhe për të argumentuar opinionet për çështje të ndryshme.
Të përdorë burime dhe teknika të ndryshme të mbledhjes dhe të shfrytëzimit të informacioneve të nevojshme për zhvillimin e tij personal dhe profesional.
Të nxisë potencialin e tij të brendshëm në kërkim të vazhdueshëm për zgjidhje të reja më efektive dhe më efiçente.
Të angazhohet fizikisht, mendërisht dhe emocionalisht në kryerjen e detyrave të ndryshme në kontekstin profesional, personal dhe shoqëror.
Të respektojë rregullat dhe parimet e një bashkëjetese demokratike në kontekstin e integrimeve lokale, rajonale dhe ndërkombëtare.
Të manifestojë guxim dhe aftësi sipërmarrëse e menaxhuese për të ardhmen e
Të tregojë vetëkontroll dhe përshtatshmëri gjatë ushtrimit të veprimtarive të
Të organizojë drejt procesin e të nxënit të tij dhe të shfaqë gadishmërinë dhe vullnetin për të nxënë gjatë gjithë jetës.
Të respektojë parimet e punës në grup dhe të bashkëpunojë aktivisht në arritjen e objektivave të pranuara.
Të vlerësojë dhe vetvlerësojë nisur nga kritere të drejta si bazë për të përmirësuar dhe çuar më tej arritjet e tij.

Kompetencat profesionale të nxënësve në përfundim të arsimit profesional në drejtimin “Tekstil-konfeksione”, niveli IV i KSHK.

Në përfundim të arsimit profesional në drejtimin “Tekstil-konfeksione”, niveli IV i KSHK, nxënësi do të jetë i aftë të zhvillojё mё tej kompetencat profesionale tё fituara nё njërin nga profilet mësimore të nivelit III të KSHK, si dhe tё ushtrojë kompetenca tё tjera profesionale, si më poshtë:

Tё hartojë një plan-bisnesi që lidhet me veprimtaritё profesionale të drejtimit “Tekstil- konfeksione”.
Tё kryejё llogaritje ekonomike qё lidhen me veprimtaritё profesionale të drejtimit “Tekstil-konfeksione”.
Të kryejë menaxhimin e burimeve njerëzore, materiale dhe financiare gjatë veprimtarive profesionale të drejtimit “Tekstil-konfeksione”.
Të interpretojë, plotësojë dhe përgatisë dokumentacion qё lidhen me veprimtaritё profesionale të drejtimit “Tekstil-konfeksione”.
Të zbatojë bazën ligjore që i referohet veprimtarive profesionale të drejtimit “Tekstil- konfeksione”.
Të zbatojë standartet teknike të profesionit përkatës.
Të zbatojë parimet e etikës gjatë ushtrimit të veprimtarive profesionale të drejtimit “Tekstil-konfeksione”.
Të identifikojë tendencat e modës gjatë periudhave kohore të shkuara
Të analizojë periudhat historike që kanë influencuar historinë e modës
Të vizatojë format bazë të veshjeve
Të krijojë forma të reja të veshjeve
Të analizojë elementët dhe procedurat bazë për krijimin, realizimin dhe prezantimin e një koleksioni
Të ndërtojë një skemë të programimit të përgjithshëm për krijimin, realizimin dhe prezantimin e një koleksioni
Të krijojë një strategji të marketingut të modës
Të mbledhe informacion paraprak mbi ngjyrat dhe tendencën e modës

Të përdorë informacionin e marrë për krijimin e
Të dizenjojë koleksionin me temë
Të krijojë arkivën me modele bazë në sistemin CAD/CAM.
Të ndërtojë skicat teknike të koleksionit me teknikën tradicionale dhe me ndihmën e sistemit CAD/CAM.
Të ndërtojë kallëpet përkatëse të modeleve të
Të zhvillojë vendosjen grafike të elementëve përbërës të artikullit të koleksionit në skicë.
Të përzgjedhë lëndën e parë dhe materialet ndihmëse për realizimin e
Të realizojë modelin e ri të koleksionit në pëlhurë tekstili, trikotazhi apo lëkurë.
Të kryejë provën e
Të realizojë modelet e koleksionit në pëlhurë tekstili, trikotazhi apo lëkurë.
Të sintetizojë të gjithë informacionin e mbledhur për të përfunduar
Të realizojë një përmbledhje lidhur me skicat, imazhin, ngjyrat dhe aksesorët e
Të prezantojë
Të përdorë teknologjinë e informimit dhe komunikimit për qëllime

Mundësitë e punësimit dhe të arsimimit të mëtejshëm në përfundim të arsimit profesional në drejtimin “Tekstil-konfeksione”, niveli IV i KSHK.

Përfundimi me sukses i arsimit profesional nё drejtimin “Tekstil-konfeksione”, niveli IV i KSHK, e pajis nxënësin me Diplomën e Maturës Shtetërore Profesionale, si dhe me Çertifikatën e teknikut të tekstil-konfeksioneve. Ky kualifikim i jep nxënësit mundёsinë që t’i drejtohet tregut të punës për punësim nё të gjitha bisneset e vogla artizanale të rrobaqepsive, galanterive apo tekstilit. Nxënësi mund të punësohet në të gjithë sektorët e industrisë së veshjeve apo të tekstilit. Gjithashtu, nxënësi mund të vetëpunësohet në kuadrin e një biznesi individual në fushën e rrobaqepësisë, galanterisë dhe tekstilit.

Me përfundimin e këtij niveli, nxënësi ka mundësi për vazhdimin e arsimimit në nivelin pas të mesëm ose në nivelin e studimeve universitare.