Në kuadër të procesit të optimizimit, në muajin shtator 2023 u krye riorganizimi i Shkollës së mesme Profesionale “Ali Myftiu” dhe Shkollës së mesme Profesionale “Sali Ceka”, Elbasan në një insitucion të vetëm me emërtimin “Shkolla Profesionale Elbasan”. Kjo shkollë do të përbëhet nga 2 godina përkatësisht nga: godina e Shkollës së Mesme Profesionale “Ali Myftiu” dhe godina e Shkollës së Mesme Profesionale “Sali Ceka”, të cilat do të ketë administrim të përbashkët. Në 1969, hapet shkolla e mesme industriale e parë me shkëputje nga puna. Mësimi fillon më 15 Shtator në ndërtesën e shkollës “Naim Frashëri”. Në 1970-71, transferohet në shkollën mjekësore dhe ekonomike “Haxhire Myzyri”. Në 1974-75, ndërtohet baza prodhuese ku nxënësit praktikonin në mekanik, autotraktore, axhustatorë, drur. Shkolla u përurua si “Kozma Naska”, me nxënës nga Gramshi, Librazhdi, Pogradeci, Korça. Në 1976-77, hapen degët: Elektrike, Ndërtim, Teknologji, Silikate. Në 1977-78, ndahet nga “K. Naska”, lind shkolla e ndërtimit “Kadri Abdihoxha” me degët: Elektrike, Kimi, Mekanike. Dega “Mekanike” profilizohet në Mekanikë teknologjike, Riparues axhustatorësh, Motoristë xhenerikë; “Metalurgji” për metalurgji të gizës dhe çelikut, ngjyra, përpunim plastik të metaleve. Në 1984-85 ndahet si shkolla mekanike industriale, përurimi më 6 mars 1985, emri Ali Myftiu. Në 2009-2010, ndryshon në sistemin 2+1+1, me degë: Hoteleri-Turizëm, Termohidraulike, Tekstil-Konfeksione, Ndërtim, Përpunim druri. Në 2010-11, hapet drejtimi TIK (2+2 vjeçar).

Rikonstruksioni i fundit i kësaj shkolle është bërë në vitin 2020. Shkolla ka një infrastrukturë moderne dhe me mjedise bashkëkohore të teorisë dhe praktikave profesionale, të cilat bëjnë të mundur që të zhvillohet një punë jo vetëm e diferencuar por edhe në grup e specialistëve të rinj.