Author name: admin

Në kuadër të muajit të letërsisë, nxënësit e klasës XA TIK, nën kujdesin e mësueses së gjuhës dhe letërsisë Matilda Qosja, zhvilluan një vizitë të veçantë në bibliotekën e qytetit tonë “Qemal Baholli.” Kjo vizitë ishte një mundësi e shkëlqyer për nxënësit të zgjeronin njohuritë e tyre mbi kulturën e librit dhe rëndësinë e ruajtjes së trashëgimisë letrare. Gjatë vizitës, nxënësit patën mundësinë të njihen me historikun e bibliotekës dhe të zbulojnë më shumë rreth fondeve të saj të pasura, të cilat përfshijnë një shumëllojshmëri librash që përfaqësojnë letërsinë shqiptare dhe atë botërore. Një pjesë interesante për ta ishte edhe procesi i dixhitalizimit, i cili synon ta bëjë bibliotekën më të aksesueshme për lexuesit dhe të ruajë në mënyrë të qëndrueshme burimet e saj të çmuara. Atmosfera ishte e mbushur me entuziazëm dhe kureshtje, ndërsa nxënësit lundronin mes rafteve të mbushura me libra. Gjatë shëtitjes, ata përjetuan magjinë që fsheh shtëpia e librit dhe ndjenjën e frymëzimit që literatura arrin të sjellë. Ky udhëtim u përmbyll me një gjest simbolik të veçantë: nxënësit dhuruan nga një libër për bibliotekën, duke kontribuar në pasurimin e fondit të saj dhe duke shprehur vlerësimin e tyre për këtë institucion të rëndësishëm kulturor. Vizita në bibliotekën “Qemal Baholli” ishte një eksperiencë që nxiti dashurinë për librin dhe promovoi vlerat e leximit si një formë e rëndësishme edukimi dhe argëtimi. Një ditë e paharrueshme për nxënësit tanë, e cila rikujton fuqinë e librit për të na lidhur me të shkuarën dhe për të na inspiruar për të ardhmen.

By Vizionarët Në kuadër të projektit të fituar nga grupi “Vizionarët” në iniciativën e organizuar nga ICTS Lab dhe UNICEF, të titulluar “Upshift for Mental Health”, ne kemi paraqitur tri ide inovative që na ndihmuan të arrijmë çmimin e parë mes grupeve pjesëmarrëse. Këto tri pika kyçe jo vetëm që reflektuan zërin tonë, por gjithashtu kontribuan në avancimin e dialogut rreth shëndetit mendor, duke ofruar zgjidhje të qëndrueshme dhe kreative për sfidat e kësaj fushe. Ne besojmë se këto ide mund të ndihmojnë në transformimin e mënyrës sesi e kuptojmë dhe trajtojmë shëndetin mendor në shoqërinë tonë. 1.) Aplikacioni “Mood Circle” Ky aplikacion ofron një mënyrë inovative dhe diskrete për të mbështetur shëndetin emocional të përdoruesve, veçanërisht të nxënësve. Përdoruesit mund të shprehin gjendjen e tyre emocionale, dhe në varësi të nivelit të stresit që reflektojnë, aplikacioni ofron 5 detyra ose aktivitete për të ndihmuar në menaxhimin e emocioneve. Këto detyra mund të përfshijnë strategji relaksimi, ushtrime frymëmarrjeje ose aktivitete kreative. Raportimi në kohë reale tek psikologia e shkollës duke e bërë procesin më efikas. Kjo qasje nxit ndërgjegjësimin për shëndetin mendor dhe inkurajon komunikimin e hapur mbi ndjenjat, duke krijuar një ambient më mbështetës në shkollë. 2.) Platforma Jellyfin Një ide shumë e fuqishme është platforma jonë që ofron materiale dhe produkte origjinale, përfshirë një serial dhe një podcast me të ftuar të veçantë. Tematika kryesore është reduktimi i stresit tek të rinjtë dhe grupe të tjera. Ky serial do të eksplorojë strategji dhe teknika efektive për menaxhimin e stresit, ndërsa podcasti do të sjellë biseda me ekspertë dhe individë që ndajnë përvojat e tyre të vlefshme. Kjo platformë është një burim i pasur informacioni dhe inspirimi, që krijon një hapësirë ku të rinjtë ndihen të mbështetur dhe kanë mundësinë të gjejnë zgjidhje për sfidat emocionale të përditshme. Nëse dëshirojmë të forcojmë shëndetin mendor, kjo është mundësia e duhur për ta bërë atë. 3.) Oazi i qetësisë Oazi i Qetësisë është një ambient unik, i krijuar nga ne, nxënësit, për të mbështetur shëndetin emocional dhe për të reduktuar stresin. E vendosur në katin e pestë të shkollës, kjo dhomë ofron një hapësirë të sigurt dhe inspiruese, e cila mund të aksesohet vetëm nga ata nxënës që kanë nevojë për relaks. Nxënësit kanë mundësinë të angazhohen në Mood Circle-in, një aktivitet që i ndihmon të reflektojnë mbi gjendjen e tyre emocionale. Bazuar në rezultatet, ata mund të përfitojnë nga aktivitetet qetësuese. Disa nga fasilitetet që ofron Oazi përfshijnë: Oazi i Qetësisë nxit një kulturë mbështetjeje dhe mirëqenieje, duke fuqizuar nxënësit përballë sfidave të përditshme dhe duke i ndihmuar të zhvillojnë strategji efektive për menaxhimin e stresit. Kjo hapësirë është një investim në shëndetin emocional të të rinjve, duke u ofruar atyre mjetet për t’u ndier më të qetë dhe më të fortë. Këtu kemi të paraqitur disa nxënës të cilët janë duke frekuentuar një pjesë të fasiliteteve.

Njoftim i rëndësishëm për aplikimin në universitete 👨‍🎓 👩🏻‍🎓 🗓️Ky është kalendari i procedurave për aplikimin dhe regjistrimin online në portalin universitar U-Albania 💻 Faza I-rë nis nesër më 30 korrik dhe zgjat deri në 4 gusht. Kalendari i plotë 🗓️ dhe më shumë informacion klikoni këtu Manuali në këtë link